Wae den ned wi
Den kin kam around wi
Tel wi ɔl kin stori
Wae ful ɔf lie lie
Wae den ned wi
Den kin bayobayo wi lɛk smal pikin
Fid wi wit fake promis den
Wae den nor kin mit ɔp fɔ fulfil
Wae den ned wi
Den kin tɔk big big inglish den
Wae plenti pipul nor kin undastand
Same wae so, den mami ɛn den wan wae wate man kul illiterate sɛf nor kin undastand
Wae den ned wi
Den kin tɔk fayn fayn
Sum ɔf de wɔds wae kin komot na den mot kin swit lɛk suga
ƐN honi fɔ lik
Wae den ned wi
Den kin go behen den eples pipul dem
Fol dem wit watin wi kul ‘chicken change’
Ɛn promis dem gud layf ɛn os
Bot wen den gɛt watin dem want
Den kin fiba da ungri Lion
Wae don watch di san fɔ di ɔl dae
Ɛn don redi fɔ du enitin jis fɔ mɛk den it
As den gɛt watin den want
Den kin komot behen wi
Lɛk aw Judas bin komot behen in masta
Wae den gɛt watin den want
Wi kin fiba lɛk dog ɛn pus na os
Ɛn na so den kin sɛt trap fɔ wi lɛk wae Tiga kin sɛt trap fɔ den pri na bush
Wi kin fiba slave unda dem
Wae den don gɛt watin den want
Wi kin ɔlso fiba dar bush wae nor fɔ shake nɔ mata aw de brize ebi
Bikɔs ɛf yu shake na trobul fɔ yu
Na so wi mot kin de smel wit de bad bad tin den wae dem kin de do
Ar tyms wi kin wan tɔk bɔt wi tong kin luk ebi
Bot watin komon na pipul den mot na sweh as den kin sae God gɔ juge dem wit den fimili
Ɔda pipul kin wan tɔk bɔt den de fraid fɔ mɛk den nor ɔl dem ɛn put dem na tit korna
Ɔlso, den de fraid sae den nor go beteh buk
Ɛn nor sabi tɔk fayn inglish wae de world go yari dem
Bot ɔl man don taya wit de sistem
Bikɔs en don tae wae den de fɔl wi
Wi yie don ɔpen big big wan lɛk dar kɔrkɔr bɔd fɔ si de tru
Ɛn na so wi don gɛt sense lɛk kɔni rabit.
